Թուրքիան պատրաստվում է Իրաքում բացել ամենամեծ ռազմաբազան

Alhurra հեռուստաալիքը հայտնում է, որ Թուրքիան մտադիր է Իրաքի ամենամեծ ռազմական բազան կառուցել Իրաքյան Քրդստանում: Ենթադրաբար, բազան նախատեսված է լինելու Հյուսիսային Իրաքի լեռնային շրջաններում PKK-ի տրանսպորտային ուղիները փակելու համար:

Հեռուստաալիքի տվյալներով՝ Իրաքում գործում են Թուրքիայի 37 ռազմական օբյեկտներ, այդ թվում՝ Բաշիկում գտնվող լիարժեք ռազմաբազան, որտեղ պատրաստում են քրդական «Փեշմերգե»-ի զինյալներին:

Չնայած Թուրքիայի և Իրաքյան Քուրդիստանի վարչակազմի միջև դաշնակցային հարաբերություններին, իրաքցի շատ պատգամավորներ բողոքել են երկրում Թուրքիայի ռազմական ներկայության դեմ, իսկ Իրաքի արտգործնախարարը նոտա է հղել Հուլուսի Աքարի՝ վերջերս Իրաքի հյուսիս կատարած այցի կապակցությամբ: