Ուկրաինան մտադիր է Թուրքիային շարժիչներ մատակարարել ATAK-II հարվածային ուղղաթիռների համար

Ուկրաինան Թուրքիային շարժիչներ է մատակարարելու թուրքական ATAK-II հարվածային ուղղաթիռները վերազինելու համար. ապրիլի 26-ին հայտնել է «Украинский военный портал»-ը՝ վկայակոչելով Թուրքիայի օդատիեզերական արդյունաբերության (TAI) ղեկավար Թեմել Քոթիլին:

Պորտալը պնդում է, որ պայմանագիրն արդեն ստորագրվել է, բայց չի հստակեցնում, թե ինչ գնի ու քանակի շարժիչի մասին է խոսքը:

Միևնույն ժամանակ, նշվել է, որ համաձայնագիրը կնքվել է Թուրքիայի ռազմարդյունաբերական համալիրի ծանր իրավիճակի պատճառով, որը խիստ կախված է արևմտյան երկրների կողմից մատակարարվող բարձր տեխնոլոգիական բաղադրիչներից:

Անկարան ցանկանում է ապահովել իր ուղղաթիռների արդյունաբերությունը, քանի որ կարծում է, որ ուկրաինական ձեռնարկություններն այնքան էլ կախված չեն քաղաքական որոշումներից: