Ներկայացվել է թուրքական նոր ԱԹՍ, որի վերաբերյալ անիմացիոն տեսանյութում այն իբր խոցում է ռուսական «Պանցիրը»

Թուրքական Roketsan ընկերությունը փորձարկել է նոր ուղղորդվող «Աքընջը» հարձակվողական անօդաչու թռչող սարքը, որն արտադրում է Baykar Savunma-ն:

Դրա վերաբերյալ ներկայացված անիմացիոն տեսանյութում այդ ԱԹՍ-ները խոցում են ռուսական «Պանցիր» ՀՕՊ համակարգերը։

Ուշագրավ է, որ թուրքական ԱԹՍ-ների դեմ ամենահաջող համակարգը ռուսական «Պանցիր»-ներն են, որոնք իրենց արդյունավետությունն արդեն ապացուցել են Սիրիայում ու Լիբիայում և, փաստորեն, գլխացավանք են դարձել թուրքական արտադրողների համար։

Ռուսական մեդիատիրույթում ծաղրում են հրապարակված անիմացիոն տեսանյութը՝ նշելով, որ այնտեղ «Պանցիր»-ները լիցքավորված չեն եղել հրթիռներով, այդ իսկ պատճառով հաջողվել է խոցել։