Ռուսաստանը պնդում է, որ ԱՄՆ–ն ամբողջապես պետք է վերացնի Իրանի դեմ պատժամիջոցները

Մոսկվան պնդում է, որ ԱՄՆ պատժամիջոցները, որոնք վերաբերում են Գործողությունների համատեղ համապարփակ ծրագրին (JCPOA), ամբողջապես պետք է վերացվեն. հայտարարել է Ռուսաստանի արտգործնախարար Սերգեյ Լավրովը:

«Մեր դիրքորոշումը պարզ է, դա բացարձակապես համընկնում է մեր իրանցի ընկերների մոտեցման հետ: Բոլոր միակողմանի պատժամիջոցները, որոնք Վաշինգտոնը սահմանել էր JCPOA-ի ուղղակի խախտմամբ, պետք է անկասկած չեղարկվեն»,- ասել է նա իրանցի գործընկերոջ՝ Մոհամադ Ջավադ Զարիֆի հետ բանակցություններից հետո կայացած մամուլի ասուլիսում: 

2015-ին «Վեցյակի» (Մեծ Բրիտանիա, Գերմանիա, Չինաստան, Ռուսաստան, ԱՄՆ, Ֆրանսիա) և Իրանի կողմից կնքված Գործողությունների համատեղ համապարփակ պլանը խախտվեց 2018-ի մայիսին, երբ ԱՄՆ նախագահ Դոնալդ Թրամփը որոշեց միակողմանիորեն դուրս գալ և վերականգնել Թեհրանի դեմ կոշտ պատժամիջոցները: