Թուրքիայում սկսվել է ազգային HÜRJET ինքնաթիռի արտադրությունը

Թուրքիայի ռազմաօդային ուժերը նախատեսում են ձեռք բերել թուրքական արտադրության մարտական-ուսումնական HÜRJET ինքնաթիռի երկու տարբերակ և թեթև հարձակվողական ինքնաթիռի մարտական տարբերակ: Այս մասին տեղեկացնում է TRT-ն:

«HÜRJET ինքնաթիռն իր առաջին թռիչքը կկատարի 2022-ին»,- ասել է թուրքական պաշտպանական ընկերության համակարգային ինժեներության տնօրեն (TUSAŞ) Յասին Քայգուսուզը:

2021 թ. մարտի 28-ին Պաշտպանական արդյունաբերության վարչության ղեկավար Իսմայիլ Դեմիրը հայտարարել էր, որ, զուգահեռաբար, TUSAŞ-ն ուսումնասիրում է HÜRJET ինքնաթիռի զարգացման հնարավորությունը`ուղղահայաց թռիչքի և վայրէջքի հնարավորությամբ: Փորձագետները նշում են, որ HÜRJET-ի այդպիսի փոփոխությամբ նախատեսում են փոխարինել ամերիկյան F-35-ը TCG Anadolu ուղղաթիռակիրում: