Պենտագոնը Ռուսաստանին հորդորել է հստակեցնել մտադրությունները՝ կապված Ուկրաինայի հետ սահմանին ուժերի տեղաշարժի հետ

ԱՄՆ-ը լիովին չի հասկանում Ռուսաստանի մտադրությունները՝ կապված Ուկրաինայի հետ սահմանի երկայնքով ուժերի տեղաշարժի հետ, և հորդորում է Մոսկվային՝ դրանք ավելի հստակեցնել: Այս մասին երեքշաբթի լրագրողներին ասել է Պենտագոնի մամուլի քարտուղար Ջոն Քիրբին:

«Մտադրությունը լիովին պարզ չէ, և մենք հորդորում ենք Ռուսաստանին՝ ավելի հստակ ցուցադրել իր մտադրությունները, թե ինչ են նրանք անում այդ ստորաբաժանումների հետ սահմանին,- ասել է նա:- Մենք տեսանք, որ նրանք իրենց ուժերը կուտակում են հարավ-արևելքի ուղղությամբ, այդ թվում՝ Ղրիմում»:

«Այս պահին դժվար է խոսել նրանց մտադրությունների մասին: Սա մտահոգիչ է, և մենք շարունակում ենք դա վերահսկել»,- հավելել է նա: