Արցախում քաղաքացին նռնակ է նետել բնակչի առանձնատան ուղղությամբ, այն պայթել է՝ վնասելով տանիքն ու բաղնիքը

Ապրիլի 5-ին՝ ժամը 20:40-ին, Մարտունի քաղաքի բնակչից հաղորդում է ստացվել, որ Գարեգին Նժդեհի փողոցում նռնակ են պայթեցրել: Այս մասին հայտնում է Արցախի ոստիկանությունը:

Ոստիկանության շրջանային բաժնի պետ Ս. Դանիելյանի գլխավորությամբ մեկնած օպերատիվ խումբը պարզել  է, որ նույն օրը ժամը 20:35-ի սահմաններում, Մարտունի քաղաքի 33-ամյա բնակիչ Ն. Ղ.-ն նռնակ է նետել Ա. Ա. -ի  առանձնատան ուղղությամբ, որի արդյունքում այն պայթել և վնասել է տանիքն ու բաղնիքը:

Ն. Ղ.-ն բերման է ենթարկվել ոստիկանության շրջանային բաժին:

Դեպքի հանգամանքները պարզվում են:

Ստուգմամբ զբաղվում է ոստիկանության Մարտունու շրջանային բաժինը: