Արծրուն Հովհաննիսյանը զորացրվել է՝ սեփական դիմումի համաձայն

Արծրուն Հովհաննիսյանը, սեփական դիմումի համաձայն, զորացրվել է ՀՀ պաշտպանության նախարարությունում ծառայությունից, «Արմենպրես»-ին հայտնել են ՀՀ ՊՆ տեղեկտվության և հասարակայնության հետ կապերի վարչությունից:

Հովհաննիսյանը պաշտպանության նախարարությունում զբաղեցնում էր կադրային և ռազմակրթական քաղաքականության գլխավոր վարչության կրթության վարչության պետի պաշտոնը:

«Արծրուն Հովհաննիսյանը զորացրվել է սեփական դիմումի համաձայն», - ասել են ՊՆ-ից:

Հովհաննիսյանն այդ պաշտոնին նշանակվել էր 2020 թվականի հուլիս ամսից: Նույն տարվա մարտ-հուլիս ամիսներին նա եղել է ՀՀ ՊՆ Վ. Սարգսյանի անվան ռազմական համալսարանի մարշալ Հովհաննես Բաղրամյանի անվան հրամանատարաշտաբային ֆակուլտետի պետ: 2020 թվականի սեպտեմբերի 27-ից նոյեմբերի 9-ը տեղի ունեցած հայ-ադրբեջանական պատերազմի ժամանակ ղեկավարել է Հայկական միասնական տեղեկատվական կենտրոնի մամուլի ասուլիսները: