Հունաստանի սադրանքները շարունակվում են. Թուրքիայի ՊՆ

Թուրքիան Հունաստանի հարցով կշարունակի վարել ծայրաստիճան խելամիտ ու տրամաբանական քաղաքականություն. հայտարարել է Թուրքիայի ՊՆ ղեկավար Հուլուսի Աքարը։

«Չնայած մեր կառուցողական, դրական, խաղաղ դիրքորոշմանը և բանակցելու պատրաստակամությանը, ցավոք, մեր հույն հարևանների սադրիչ գործողությունները շարունակվում են»,- ասել է նա՝ մեղադրելով Հունաստանին տարածաշրջանում լարվածության սրման մեջ:

Հիշեցնենք, որ Թուրքիայի և Հունաստանի միջև լարվածությունը սկսվել է այն բանից հետո, երբ Թուրքիան ապօրինաբար հորատող–որոնողական նավեր է ուղարկել հունապատկան ջրային տարածքներ՝ ածխաջրածնային հանքավայրեր հայտնաբերելու։ Չնայած միջազգային արձագանքին՝ Թուրքիան շարունակում է սադրիչ գործողությունները։