Ուկրաինան թուրքական Bayraktar-ներով վարժանքներ է անցկացրել Սև ծովում

Ուկրաինայի զինված ուժերի ստորաբաժանումները վարժանքներ են անցկացրել Սև ծովի ափին՝ Խերսոնի շրջանի ափամերձ հատվածում, որտեղ նրանք մշակել են թուրքական արտադրության Bayraktar TB2 հարձակողական անօդաչու ինքնաթիռների կիրառումը: Այս մասին շաբաթ օրը հաղորդել է Ուկրաինայի պաշտպանության նախարարության «Արմիյաինֆորմ» լրատվական գործակալությունը:

«Անօդաչու թռչող սարքերը մշակել են մանևրելու տարբեր խնդիրներ»,- ասվում է հաղորդագրության մեջ:

Երթուղու քարտեզի վրա ցույց է տրված, որ մեքենաների թռիչքն ու վայրէջքը տեղի են ունեցել Նիկոլաևի օդանավակայանում:

Ուկրաինական բազմաֆունկցիոնալ ռազմածովային զորավարժարանը տեղակայված է Տենդրովսկայա ցամաքալեզվակի վրա: Այնտեղ զինծառայողներն իրականացնում են դեսանտի իջեցման վարժանքներ, իսկ նավակային մարտավարական խմբերը հրետանային կրակ են արձակում ափի թիրախների ուղղությամբ:

Հունվարի վերջին Defence Express ուկրաինական ռազմական տեղեկատվական պորտալը հաղորդել էր, որ Ուկրաինայի ռազմածովային ուժերը քննարկում են Bayraktar-ների կիրառման հնարավորությունը մակերեսային թիրախներ որոնելու համար: