Եվրախորհրդարանը հաստատել և դատապարտել է Թուրքիայի կողմից սիրիացի վարձկանների ներգրավումը Արցախյան պատերազմում

Եվրախորհրդարանի՝ 2021 թվականի մարտի 11-ի բանաձևը սիրիական հակամարտության վերաբերյալ միանշանակ հաստատում է այն փաստը, որ Թուրքիան վարձկաններ է ներգրավել Սիրիայից Արցախ:

Բանաձևի տեքստում, մասնավորապես, ասվում է. «Ըստ ԵԱՀԿ Մինսկի խմբի համանախագահող երկրների՝ Թուրքիան սիրիացի վարձկաններին տեղափոխել է Լեռնային Ղարաբաղ»:

«Կոչ ենք անում Թուրքիային՝ դուրս բերել զորքերը Հյուսիսային Սիրիայից, որը նա ապօրինաբար բռնազավթել է..., դատապարտում ենք սիրիացի քրդերի ձերբակալությունն ու դատապարտումը Թուրքիայում..., անհանգստություն ենք հայտնում, որ թուրքական զորքերի տեղաշարժը կարող է պատճառ հանդիսանալ քրդերի էթնիկ զտումների համար, ընդգծում ենք, որ Թուրքիայի ապօրինի ներխուժումն ու օկուպացիան վտանգում են խաղաղությունը Սիրիայում, Մերձավոր Արևելքում և Արևելյան Միջերկրականում։ Կտրականապես քննադատում ենք Թուրքիայի կողմից սիրիացի վարձկանների ներգրավումը Լիբիայում և Լեռնային Ղարաբաղում, որը միջազգային իրավունքի նորմերի խախտում է»,– նշվում է Եվրախորհրդարանի տեքստում։