Լեհաստանից վտարվել է Ռուսաստանի հյուպատոսը

Լեհաստանի հատուկ ծառայությունները Ռուսաստանի հյուպատոսին մեղադրել են COVID-19-ի տարածման մեջ: Այդ մասին հայտնում է RMF24 պորտալը:

Լեհաստանի հատուկ ծառայությունների աշխատանքը համակարգող նախարարի խոսնակ Ստանիսլավ Ժարընն ասում է, որ ռուս դիվանագետը վտարվել է երկրից փետրվարին՝ ի պատասխան Մոսկվայի գործողությունների, որոնք Պետերբուրգում Լեհաստանի հյուպատոսին հայտարարել էին «պերսոնա նոն գրատա»։

Ըստ Ժարընի՝ խոսքը Իգոր Օշչեպկովի մասին է, որը եղել է Պոզնանում ՌԴ հյուպատոսը: Դիվանագետը, ըստ խոսնակի, ստացել է կորոնավիրուսային վարակի վերաբերյալ թեստի արդյունքները հունվարի 21-ին, բայց հետագայում չի ենթարկվել սանիտարական կանոններին, մասնակցել է ժողովների և հայտնվել հասարակական վայրերում` փոխանակ ինքնամեկուսանալու: Թեստի դրական պատասխան ստանալուց երեք օր առաջ COVID-19 էր հայտնաբերվել Օշչեպկովի կնոջ, իսկ ավելի ուշ՝ դստեր մոտ»,- հավելել է նա: