Այս պահին Երևանում sett-weather
Փոխարժեքներ 09 03 2026
USD ⚊ $ 377.29
EUR ⚊ € 436.15
RUB ⚊ ₽ 4.8215
GBP ⚊ £ 503.49
GEL ⚊ ₾ 137.62
Միասին կարող ենք
կարևոր
0 դիտում, 5 տարի առաջ - 2021-02-24 13:25
Հասարակություն

Հրապարակվեց «Սասնա ծռերի» գործով դատավճիռը. ոստիկանների սպանության մեջ մեղադրվող Սմբատ Բարսեղյանը դատապարտվեց 25 տարի, Պավել Մանուկյանը՝ 10, իսկ Վարուժան Ավետիսյանը՝ 9.6 տարի ազատազրկման

Հրապարակվեց «Սասնա ծռերի» գործով դատավճիռը. ոստիկանների սպանության մեջ մեղադրվող Սմբատ Բարսեղյանը դատապարտվեց 25 տարի, Պավել Մանուկյանը՝ 10, իսկ Վարուժան Ավետիսյանը՝ 9.6 տարի ազատազրկման

Երևանի ընդհանուր իրավասության դատարանի դատավոր Մեսրոպ Մակյանը հրապարակեց «Սասնա ծռերի» գործով դատավճիռը: Նրանք մեղավոր ճանաչվեցին իրենց առաջադրված մեղադրանքներում:

ՊՊԾ գունդը զավթելու և մի շարք ծանր հանցագործություններ կատարելու մեջ մեղադրվողներ՝ Պավել Մանուկյանը դատապարտվեց 10 տարի ժամկետով ազատազրկման, Վարուժան Ավետիսյանը՝ 9 տարի 6 ամիս ժամկետով ազատազրկման, Մխիթար Ավետիսյանը՝ 9 տարի 6 ամիս ժամկետով, Էդուարդ Գրիգորյանը՝ 8 տարի 6 ամիս ժամկետով, Գագիկ Եղիազարյանը՝ 9 տարի 6 ամիս ժամկետով, Արեգ Կյուրեղյանը՝  9 տարի ժամկետով ազատազրկման, Սեդրակ Նազարյանը՝ 10 տարի ժամկետով ազատազրկման:

Սմբատ Բարսեղյանը, որը մեղադրվում է  նաև ոստիկանի սպանության մեջ, դատապարտվեց 25 տարի ժամկետով ազատազրման։ Արմեն Բիլյանը, որին ևս սպանության մեղադրանք էր առաջադրված, այդ հոդվածով արդարացվեց, մյուս հոդվածներով մեղավոր ճանաչվեց և դատապարտվեց 9 տարի 6 ամիս ժամկետով:

Արայիկ Խանդոյանի քրեական հետապնդումը դադարեցվեց՝ անձի մահվան հիմքով: 

Մեկնաբանելով վճիռը՝ դատավոր Մեսրոպ Մակյանը պարզաբանեց, որ բավարար ապացույցներ ձեռք չեն բերվել առ այն, որ ոստիկան Գագիկ Մկրտչյանի սպանությունը կատարել է Արմեն Բիլյանը: Եվ, դիմելով Գագիկ Մկրտչյանի կնոջը՝ Հասմիկ Ոսկանյանին, Մեսրոպ Մակյանն ասաց, որ պետք է դիմի դատախազին՝ իր ամուսնու սպանության հանգամանքները պարզելու համար:

Արմեն Բիլյանի խափանման միջոց կալանավորումը փոխվեց՝ ստորագրություն չհեռանալու մասին:

Դատարանի վճիռը ենթակա է բողոքարկման Վերաքննիչ դատարանում:

բաժանորդագրվել
Նմանատիպ նյութեր

Լրահոս

  • բոլոր լուրերը

    • Հետադարձ կապ

    • Սոց. ցանցեր

    © 2026 Yerkir.am Բոլոր իրավունքները պաշտպանված են։

    Մեր կայքում տեղ գտած հրապարակումների հեղինակային իրավունքը պատկանում է բացառապես yerkir.am խմբագրությանը։ Այլ ԶԼՄ-ներում սույն կայքի հրապարակումներից որևէ մեկը ամբողջական վերահրապարակելու համար անհրաժեշտ է yerkir.am-ի խմբագրության համաձայնությունը: Լրատվամիջոցները կարող են yerkir.am-ից մեջբերումներ վերահրապարակել միմիայն հատվածաբար` պարտադիր օգտագործելով հիպերհղում:
    Գաղտնիության քաղաքականություն Կայքի հին տարբերակը