Համաճարակը կավարտվի 2022-ի սկզբին. ԱՀԿ

Կորոնավիրուսային վարակի (COVID-19) նոր համաճարակն ավարտվելու է 2022-ի սկզբին: Այս մասին Դանիական DR հեռուստաալիքին հայտնել է Առողջապահության համաշխարհային կազմակերպության (ԱՀԿ) Եվրոպայի տարածաշրջանային գրասենյակի ղեկավար Հանս Կլուգեն:

Միջազգային կազմակերպության ներկայացուցչի խոսքով՝ 2021 թվականը նույնպես կլինի կորոնավիրուսի տարի, սակայն իրավիճակն ավելի կառավարելի կլինի՝ համեմատած մեկ տարի առաջվա հետ: «Վատագույն սցենարն ավարտված է: Մենք ավելի շատ բան գիտենք վիրուսի մասին՝ համեմատած 2020 թվականի հետ, երբ վիրուսը նոր-նոր սկսել էր տարածվել»,- ասել է Կլուգեն:

Նա նախազգուշացրել է, որ ինքը ներկայացնում է միայն իր կանխատեսումը, իսկ թե ինչպես կզարգանան համաճարակային իրավիճակի շուրջ իրադարձությունները, ոչ ոք չի կարող կանխատեսել:

«Վիրուսը կմնա, բայց չեմ կարծում, որ սահմանափակումների կարիք լինի: Սա լավատեսական ուղերձ է»,- հավելել է ԱՀԿ ներկայացուցիչը: