Լիտվայի խորհրդարանը կոչ է արել Ադրբեջանին՝ արագացնել զոհվածների մարմինների և հայ բանտարկյալների վերադարձը հայրենիք

Լիտվայի Սեյմասի (խորհրդարան) Լիտվա-Հայաստան միջխորհրդարանական խմբի անդամները Ադրբեջանին կոչ են արել արագացնել դիակների, ռազմագերիների և պատանդների փոխանակումը:

Լիտվայի խորհրդարանի պատգամավորների հայտարարության մեջ, մասնավորապես, ասված է. «Մենք Ադրբեջանին կոչ ենք անում արագացնել դիակների, ռազմագերիների, պատանդների փոխանակումը և անհապաղ դադարեցնել նրանց դեմ հարուցված քրեական գործերը և վերադարձնել Հայաստան:

Գերիների անհապաղ վերադարձը կլինի Ադրբեջանի և Հայաստանի միջև վստահության մթնոլորտը վերականգնելու առաջին քայլերից մեկը:

Մենք նաև կոչ ենք անում Եվրամիության մարմիններին՝ Ադրբեջանի հետ ներկա և ապագա հարաբերությունների համատեքստում հետևողականորեն բարձրացնել այս հումանիտար հարցը»: