Ռուսաստանը վտարել է եվրոպացի երեք դիվանագետի՝ նրանց մեղադրելով Նավալնիի գործողություններին մասնակցելու մեջ

Ռուսաստանի արտաքին գործերի նախարարությունը հայտարարել է եվրոպացի երեք դիվանագետների արտաքսման մասին, որոնք, ըստ նախարարության, հունվարի 23-ին մասնակցել են Ալեքսեյ Նավալնիին սատարող ցույցերին. հաղորդում է ընդդիմադիր Meduza-ն:

Սանկտ Պետերբուրգում Շվեդիայի եւ Լեհաստանի գլխավոր հյուպատոսությունների աշխատակիցները, ինչպես նաև Մոսկվայում Գերմանիայի դեսպանատան աշխատակիցները «պերսոնա նոն գրատա» են հայտարարվել: Նրանց հրամայվել է «մոտ ապագայում» լքել Ռուսաստանի Դաշնությունը:

Երեք երկրների դեսպանները կանչվել են Ռուսաստանի արտաքին գործերի նախարարություն: Նրանց ասել են, որ աշխատակիցների նման գործողություններն «անընդունելի են և չեն համապատասխանում նրանց դիվանագիտական կարգավիճակին»:

Փետրվարի 2-ին որոշ արևմտյան դիվանագետներ եկել էին Մոսկվայի քաղաքային դատարան, որտեղ հայտարարվում էր Նավալնիի վերաբերյալ վճիռը: Ռուսաստանի արտաքին գործերի նախարարությունը դա որակել էր որպես միջամտություն Ռուսաստանի գործերին: Ռուսաստանում Բրիտանիայի դեսպանատունը ներկայացրել է որպես «սովորական պրակտիկա»: