Թուրքիան շարունակում է բանակցել Ռուսաստանի հետ Ս-400-ի երկրորդ գնդի մատակարարման շուրջ. Թուրքիայի ՊՆ

Թուրքիան շարունակում է բանակցությունները Ռուսաստանի հետ Ս-400 զենիթահրթիռային համակարգերի երկրորդ գնդի հնարավոր մատակարարումների շուրջ: Այս մասին հինգշաբթի հայտարարել է Թուրքիայի ազգային պաշտպանության նախարար Հուլուսի Աքարը:

«Անկարայի համար խնդրահարույց կլինի հրաժարվել ռուսական հակաօդային պաշտպանության Ս-400 համակարգեր գնելուց: Մենք ակնկալում ենք, որ ԱՄՆ-ի հետ տարաձայնություններն այս թեմայով կարող են լուծվել երկխոսության միջոցով»,- Աքարին մեջբերում է A Haber հեռուստաալիքը:

Աքարը նաև հայտնել է, որ Ս-400-ը Թուրքիայում չի ունենա որևէ հատուկ տեղակայում: Ըստ նրա՝ անհրաժեշտության դեպքում համակարգերը կարող են տեղափոխվել:

Հունվարի 11-ին Թուրքիայի պաշտպանական արդյունաբերության վարչության (UOP) ղեկավար Իսմայիլ Դեմիրը հայտարարել էր, որ հանրապետություն առաքված Ս-400-ները պատրաստ են շահագործման: