Թուրքիան և ԱՄՆ-ն ստեղծել են Ս-400-ի վերաբերյալ աշխատանքային խումբ

Թուրքիան և ԱՄՆ–ն պայմանավորվել են համատեղ աշխատանքային խումբ ստեղծել՝ կապված Անկարայի կողմից ռուսական Ս-400 Տրիումֆ հակաօդային պաշտպանության համակարգերի գնման հետ:

«Տեխնիկական բանակցությունները սկսվել են», - հայտարարել է նա մամուլի ասուլիսում:

Թուրք-ամերիկյան հարաբերությունների ճգնաժամի պատճառ դարձած ռուսական վերջին համակարգերի մատակարարումները սկսվել են 2019-ի ամռանը: Վաշինգտոնը պահանջել էր հրաժարվել գործարքից և դրա դիմաց գնել ամերիկյան Patriot համակարգեր՝ սպառնալով հետաձգել կամ նույնիսկ չեղարկել Թուրքիային F-35 կործանիչների վաճառքը, ինչպես նաև պատժամիջոցներ կիրառել՝ համաձայն CAATSA- ի («Պատժամիջոցների միջոցով Ամերիկայի հակառակորդներին հակազդելու մասին» օրենք)։ Շաբաթներ առաջ էլ ԱՄՆ–ն պատժամիջոցներ սահմանեց Թուրքիայի պաշտպանական արդյունաբերության մի շարք ներկայացուցիչների նկատմամբ։