Թուրքիայի դեմ պատժամիջոցները ցույց են տալիս ԱՄՆ-ի անկեղծ մրցակցային անկարողությունը. ՌԴ ԱԳՆ

Ռուսաստանի արտգործնախարարության պաշտոնական ներկայացուցիչ Մարիա Զախարովան հայտարարել է, որ Թուրքիայի դեմ ԱՄՆ պատժամիջոցները՝ կապված ռուսական Ս-400 զենիթային համակարգերի  մատակարարման հետ, խոսում են ռազմարդյունաբերական համալիրում մրցակցային առավելություն ապահովելու Վաշինգտոնի փորձի մասին:

«Սա կանոններով խաղալով մրցելու անկարողության մեկ այլ դրսևորում է: Մրցակցային որոշ առավելություններ ապահովելու համար անհրաժեշտ են լրացուցիչ քայլեր՝ չնայած այդ քայլերի անօրինական լինելուն: Դրանք ներառում են միակողմանի պատժամիջոցներ ռազմարդյունաբերական համալիրի նկատմամբ», - մեջբերում է նրան ՏԱՍՍ-ը:

Նման սխեման, ըստ Զախարովայի, ԱՄՆ-ն օգտագործում է լրատվամիջոցներում, էներգետիկայում և այլ ոլորտներում: «Ամենուր գաղափարը նույնն է. օգնել իրենք իրենց, իրենց արտադրողներին, գործարարներին նման անօրինական գործողություններով», - նշել է նա: