Թուրքական զորքերը սկսել են թողնել դիտակետը Իդլիբ նահանգում

Թուրքական զորքերը սկսել են լքել իրենց դիտակետը Իդլիբ նահանգի հարավարևմտյան մասում գտնվող Ազ Զուրբա քաղաքում`շրջապատված կառավարական ուժերով: Այս մասին հինգշաբթի հայտնել է Al Masdar պորտալը՝ վկայակոչելով Իդլիբի տեղական աղբյուրները:

Նրանց տեղեկություններով՝ թուրք զինվորները դիրքը թողել են մի քանի բեռնատարներով: «Ազ Զուրբա» դիրքը տեղակայված է Հալեպ-Դամասկոս ռազմավարական մայրուղու մոտակայքում, որտեղ Սիրիայի կառավարությունը փորձում էր ապահովել անվտանգ երթևեկ պատերազմի հենց սկզբից:

Միայն մի քանի թուրքական դիտակետեր են մնացել Սիրիայի հյուսիս-արևմուտքում, որոնք բոլորը շրջապատված են սիրիական բանակով, նշում է Al Masdar-ը: Թեև 2018-ի Սոչիի համաձայնագրերը նախատեսում են Սիրիայում 12 դիտակետերի ստեղծում թուրքական զինուժի կողմից, Թուրքիան ստեղծել է 50 այդպիսի դիրք՝ հիմնականում Իդլիբ և Հալեպ նահանգներում: Դրանցից մի քանիսը հետագայում թուրքական զորքերի կողմից թողնվել են սիրական բանակի կողմից շրջափակման մեջ հայտնվելու պայմաններում: