Պատերազմը պարտվեցինք անպատրաստության եւ անկազմակերպվածության պատճառով. Ռազմարդյունաբերության կոմիտեի նախկին նախագահ

Մենք պատերազմը հաղթելու հնարավորություն չունեինք. մենք բավարար համալրված չենք եղել 2020 թվականի պատերազմի համար, բավարար պատրաստվածություն չենք ունեցել: Այս մասին Yerevan Today-ին տված հարցազրույցում նշել է Ռազմարդյունաբերության կոմիտեի նախկին նախագահ Ավետիք Քերոբյանը:

Հարցին, թե ի վերջո ինչու մենք պրտվեցինք, նա պատասխանեց. «Անպատրաստության եւ անկազմակերպվածության պատճառով:  Ես կարող եմ ասել, որ կամավորականների, պատրաստակամ մարդկանց պակաս չի զգացվել: Ինձ համար անհասկանալի էր, թե ինչ տեղի ունեցավ եւ չեմ կարծում, որ որեւէ մեկի համար հասկանալի է:

Պատերազմի առաջին օրից ականատես եմ եղել կառավարման համակարգի ձախողումներին: Մենակ մի օրինակ բերեմ, իմ ազգանունը տարբեր ցուցակներում գրված է եղել առնվազն 10 անգամ: Համակարգը չի աշխատել, չի աշխատել կապը: Սա անպատրաստություն է, որի մասին տեղեկացված են եղել բարձրաստիճան պաշտոնյաները: Հայտարարված հայեցակարգերը չեն ապահովվել, եղել են կենտրոնացված պահեստներ, շարասյուներով տեղափոխում, մինչդեռ ըստ պլանի դրանք պետք է լինեն ապակենտրոնացված»,-ասաց նա: