Արդարադատության նախարար կնշանակվի ՀՀ ԱՆ քրեակատարողական ծառայության պետ Արթուր Գոյունյանը․ Mediaport

Արդարադատության նախարար կնշանակվի ՀՀ ԱՆ քրեակատարողական ծառայության պետ Արթուր Գոյունյանը։ Այս մասին հայտնում է Mediaport տելեգրամյան ալիքը։

Mediaport-ն արդեն գրել էր, որ նախարար Ռուստամ Բադասյանն ազատման դիմում է գրել, որին դեռևս ընթացք չի տրվել, քանի որ կառավարությունում փոխարինող չեն գտնում։

Ալիքի կառավարությունում աղբյուրների հաղորդմամբ՝ առաջիկայում նախարար է նշանակվելու Արթուր Գոյունյանը։

Նա 2017թ.- 2019թ. զբաղեցրել է ՀՀ քննչական կոմիտեի Երևան քաղաքի քննչական վարչության Էրեբունի և Նուբարաշեն վարչական շրջանների քննչական բաժնի պետի պաշտոնը։ 2019թ. հուլիսի 11-ին, ՀՀ վարչապետի որոշմամբ, նշանակվել է ՀՀ արդարադատության նախարարության քրեակատարողական ծառայության պետ: