Ֆրանսիան Էրդողանին խորհուրդ է տվել քիթը չմտցնել Լիբիայի գործերի մեջ

Ֆրանսիայի առևտրի նախարար Ֆրենկ Ռիեստերը դատապարտել է Անկարայի գործողությունները և նույնիսկ սպառնացել պատժամիջոցներով:

Նա հայտարարել է, որ թուրքերը պետք է դադարեցնեն զենքի մատակարարումը Լիբիային և, ընդհանուր առմամբ, այս երկրի ապակայունացման բոլոր փորձերը ու չմիջամտեն նրա ներքին գործընթացներին:

Էրդողանը վերջերս որոշել էր վերահսկել Լիբիայից դեպի Եվրոպա միգրացիոն հոսքը: Ըստ ամենայնի՝ սա վերջին կաթիլն էր եվրոպացի քաղաքական գործիչների համար: Եվրոպան ունի բավականաչափ միգրանտներ անցած հոսքերից, երբ Անգելա Մերկելը որոշել էր փախստականներով ողողել ԵՄ երկրները:

«Թուրքիան պետք է դադարեցնի ներգաղթի խնդրի օգտագործումը Եվրոպայի դեմ: Մենք շատ լավ գիտենք, որ նա խաղում է այս լարին, և դա անընդունելի է »,- ասել է Ռիեստերը:

Նա նշել է, որ եթե Անկարան շարունակի իր գործողությունները, ԵՄ-ն կարող է պատժամիջոցներ կիրառել: