ՌԴ Դաշնային խորհուրդը Պուտինից ստացել է դիմում Ղարաբաղում խաղաղապահներ տեղակայելու վերաբերյալ

ՌԴ նախագահ Վլադիմիր Պուտինի`Լեռնային Ղարաբաղում խաղաղապահ գործողություններում ռուսական զինված ուժեր կիրառելու վերաբերյալ դիմումը հասել է Դաշնային խորհուրդ. РИА Новости-ին ասել է սահմանադրական օրենսդրության հանձնաժողովի նախագահ Անդրեյ Կլիշասը:

«Խոսքը Ռուսաստանի նախագահի կողմից արդեն որոշված զորամիավորման մասին է»,- ասել է սենատորը:

Գործակալության զրուցակիցը բացատրել է, որ նման դեպքում Դաշնային խորհրդի՝ բանակ կիրառելու համաձայնությունն անհրաժեշտ է, քանի որ խոսքը ոչ թե օպերատիվ ռազմական իրավիճակի, այլ մի քանի տարի նախատեսվող իրադարձության մասին է:

Կլիշասը հիշեցրել է, որ Լեռնային Ղարաբաղում ռուսական զորքերի խաղաղապահ մանդատը նախատեսված է հինգ տարի ժամկետով՝ երկարաձգման հնարավորությամբ:

Դաշնային ժողովի համապատասխան հանձնաժողովները սենատորներին խորհուրդ են տվել հաստատել Պուտինի դիմումը: