Մակրոնը քննադատել է ՄԱԿ-ի Անվտանգության խորհրդին

Ֆրանսիայի նախագահ Էմանուել Մակրոնը քննադատել է ՄԱԿ-ի Անվտանգության խորհուրդը`ասելով, որ այն օգտակար լուծումներ չի մշակում:

Նա նշել է, որ իր խնդիրներից մեկը քաղաքականապես ուժեղ Եվրոպա ձևավորելն ու հզորացնելն է:

«Եթե ցանկանում ենք, որ կանոնավորված համագործակցություն լինի, հավասարակշռված բևեռները պետք է այդ համագործակցությանը ձև տալու հնարավորություն ունենան՝ նոր բազմակողմության, այսինքն՝ տարբեր տերությունների միջև երկխոսության շուրջը, որն անհրաժեշտ է համատեղ որոշումների համար: Դա հանգեցնում է փաստման, որ բազմակողմ համագործակցության շրջանակներն այսօր թույլ են, քանի որ արգելափակվում են: Ստիպված եմ խոստովանել, որ Անվտանգության խորհուրդն այսօր օգտակար որոշումներ չի առաջարկում», - ասել է Ֆրանսիայի ղեկավարը Grand Continent- ին: