Ռուսների համբերության բաժակը լցվել է. «Ղարաբաղի հաղթանակը» տոնողներին մտցրել են ցեխի մեջ

Ռուսաստանի քաղաքների բնակիչներն այլևս չեն կարողանում հանդուրժել «Ղարաբաղում հաղթանակը» տոնող անձանց գիշերային հավաքները: Այսպես՝ Տոմսկ քաղաքում նրանց հետ խիստ են վարվել. անվտանգության ծառայության տեղական մարմինները նրանց պարզապես դեմքով գցել են ցեխի մեջ. հայտնում է tsargrad.tv-ն։

Նոյեմբերի 11-ին թելեգրամյան ալիքները կրկին ողողված են եղել Ռուսաստանի տարբեր քաղաքներում գիշերային ժամերին կազմակերպված «տոնակատարությունների» մասին հաղորդումներով: Ուղարկված տեսանյութերից երևում է, որ, օրինակ, Աստրախանում ադրբեջանական սփյուռքի ներկայացուցիչները ավտոարշավ են կազմակերպել Թուրքիայի և Ադրբեջանի դրոշներով:

Ըստ ականատեսների՝ հանպատրաստից ավտոերթի մասնակիցներն անկանոն են քշել, ձայնային ազդանշաններ տվել, ինչ-որ բան գոռացել իրենց լեզվով:

Իսկ Տոմսկում հրավառությունից և մեքենաների ազդանշաններից հոգնած բնակիչները կանչել են անվտանգության աշխատակիցների ջոկատ: Նրանք ժամանել են և թուրքական դրոշներով մարդկանց դեմքով պառկեցրել ցեխի մեջ։