Բրիտանացի գեներալը նախազգուշացրել է նոր համաշխարհային պատերազմի վտանգի մասին փոքր հակամարտությունների պատճառով

Կա նոր համաշխարհային պատերազմի ռիսկ համեմատաբար մեծաթիվ երկրների եւ սպառազինությունների ներքաշմամբ փոքր հակամարտությունների՝ վերահսկողությունից դուրս գալու դեպքում, նախազգուշացրել է Մեծ Բրիտանիայի ԶՈՒ ղեկավար, գեներալ Նիք Քարթերը Sky News հեռուստաալիքին տված հարցազրույցում:

Գեներալը նաեւ նշել է, որ անվտանգության նոր սպառնալիքների շարքին, ընդհուպ մինչեւ պատերազմը, կարելի է դասել նաեւ համաշխարհային տնտեսական ճգնաժամը, որը պայմանավորված է կորոնավիրուսի համավարակով:

Նա նաեւ ներկայացրել է 2030-ական թվականներին բրիտանական բանակի իր տեսլականը՝ հայտարարելով, որ ապագայում այն կարող է կազմված լինել 90 000 զինվորներից եւ 30 000 ռոբոտներից: