ԻՊ-ը ստանձնել է Վիեննայում իրականացված ահաբեկչության պատասխանատվությունը

«Իսլամական պետություն» ահաբեկչական խմբավորումը ստանձնել է Վիեննայում իրականացված հարձակման պատասխանատվությունը, որը տեղի է ունեցել նոյեմբերի 2-ի երեկոյան: Այդ մասին նոյեմբերի 3-ին հաղորդել է France 24 հեռուստաալիքը:

««Իսլամական պետությունը» ստանձնել է Վիեննայում իրականացված ահաբեկչության պատասխանատվությունը»,- ասվում Է հաղորդագրության մեջ:

Հրաձգությունը տեղի է ունեցել Շվեդենպլաց հրապարակից ոչ հեռու՝ Շտադտթեմպել քաղաքի գլխավոր սինագոգի մերձակայքում: Ավստրիայի կանցլեր Սեբաստիան Կուրցը տեղի ունեցածը որակել է որպես ահաբեկչական գործողություն: Զոհվել է չորս մարդ:

Առկա տեղեկատվության համաձայն՝ հարձակվողները եղել են մի քանի հոգի: Նրանք կիրառել են երկարափող հրաձգային զենք:

Հանցագործներին բռնելու գործողությունը շարունակվում է, գործի են դրվել քաղաքի ոստիկանների մեծ մասը եւ զինվորականներ: Իրավապահ մարմինների տվյալներով՝ հարձակողներից մեկը սպանվել Է, առնվազն մեկին դեռ փնտրում են: