ԱՀԿ ղեկավարն ինքնամեկուսացել է

Առողջապահության համաշխարհային կազմակերպության ղեկավար Թեդրոս Գեբրեյեսուսն իր թվիթերյան էջում գրառում է կատարել՝ նշելով, որ առաջիկայում կպահպանի ինքնամեկուսացման ռեժիմ։

«Պարզվել է, որ շփվել եմ մարդու հետ, որի COVID-19-ի թեստը դրական արդյունք է ցույց տվել»,- ասել է նա՝ մանրամասնելով, որ անհրաժեշտ է հստակ կատարել կորոնավիրուսային վարակի տարածմանը հակազդելու բոլոր պահանջները։

Ըստ Գեբրեյեսուսի՝ ինքն իրեն լավ է զգում, որևէ ախտանշան չունի։ ԱՀԿ ղեկավարը կաշխատի հեռավար՝ տնից։

Հիշեցնենք՝ համավարակի սկզբից ի վեր աշխարհում կորոնավիրուսով է վարակվել ավելի քան 46 մլն մարդ, ավելի քան 1․19 մլն-ը մահացել է։