Գրետա Թունբերգն ինքնամեկուսացել է. Aftonbladet

Շվեդ էկոակտիվիստ Գրետա Թունբերգը վերջին երկու շաբաթը տնից դուրս չի եկել, համարում է, որ վարակվել է կորոնավիրուսով. տեղեկացնում է Yerkir.am-ը` շվեդական Aftonbladet թերթին հղումով:

«Վերադառնալով Կենտրոնական Եվրոպա ուղևորությունից` ես ինքնամեկուսացել եմ վարձված բնակարանում և չեմ շփվում մորս ու քրոջս հետ: Տասն օր առաջ ես ախտանշաններ զգացի, համարյա նույն ժամանակ, ինչ հայրս, որն ուղևորության ժամանակ ինձ հետ էր»,- իր ինստագրամյան էջում տեղեկացել է նա:

Կորոնավիրուսի թեստ Գրետան չի հանձնել, սակայն համարում է, որ «մեծ հավանականությամբ, դա նա է` հաշվի առնելով ախտանշաններն ու հանգամանքները»:

Ակտիվիստը նաև կոչ է արել հետևել վարակաբանների խորհուրդներին, մնալ տանը, որպեսզի վարակը չտարածվի: