Ավստրիայի կանցլերը հայտարարել է «քաղաքական իսլամի» դեմ պայքարի անհրաժեշտության մասին

Ավստրիայի կանցլեր Սեբաստիան Կուրցը, մեկնաբանելով Վիեննայի կաթոլիկ եկեղեցու վրա հարձակումը, վճռական պայքար է հայտարարել քաղաքական իսլամի դեմ քրիստոնյաների անվտանգության համար: Այս մասին նա գրել էր հոկտեմբերի 30-ին՝ Twitter սոցիալական ցանցի իր էջում:

«Բոլոր քրիստոնյաները պետք է կարողանան ազատ և անվտանգ դավանել իրենց հավատը Ավստրիայում։ Մենք վճռականորեն կշարունակենք պայքարը քաղաքական իսլամի դեմ և այստեղ կեղծ հանդուրժողականություն չենք ցուցաբերի: Շնորհակալություն ոստիկանության բոլոր աշխատակիցներին իրենց նվիրվածության համար», - ասվում է հաղորդագրության մեջ:

Ավստրիական Kurier թերթի համաձայն՝ ենթադրաբար, թուրքական ծագմամբ մոտ 50 երիտասարդներ ներխուժել են Վիեննայի Պադուա նահանգի Սբ. Անտոնիայի կաթոլիկ եկեղեցի, որտեղ անկարգություններ են իրականացրել՝ «Ալլահ Աքբար» բացականչություններով: