Թուրքիան խնդիր ունի. սիրիացի զինյալները հրաժարվում են մեկնել Ղարաբաղ

Թուրքիան սկսել է խնդիրներ ունենալ Ղարաբաղ՝ մարտական գոտի ուղարկվելու համար նոր զինյալներ հավաքագրելու հետ կապված. հոկտեմբերի 28-ին հաղորդել է Մարդու իրավունքների սիրիական դիտորդական կենտրոնը (SOHR):

Ըստ այս կազմակերպության՝ Սիրիայից Ադրբեջան են տեղափոխվել առնվազն 2350 թուրքամետ գրոհայիններ: Նրանցից 215-ն արդեն մահացել են, ևս 320-ը վերադարձրել են ստացած գումարը և լքել Ադրբեջանը:

«Թուրքիան խնդիրներ ունի զինյալներ հավաքագրելու հետ կապված, քանի որ վարձկանների մեծ մասը հրաժարվում է մեկնել Լեռնային Ղարաբաղ: Դա պայմանավորված է երկու գործոնով՝ մահվան մեծ հավանականությունը, ինչպես նաև այն փաստը, որ ադրբեջանցիները սուննիներ չեն, այլ՝ շիաներ»,- նշում է կենտրոնը: