Մոսկվայում բերման են ենթարկել ադրբեջանական կազմակերպության ղեկավարների, որի անդամները մարդկանց ծեծում էին համացանցում գրառումների համար

Մոսկվայում բերման են ենթարկել ադրբեջանական «ВБОН» («Во благо общего народа») կազմակերպության ղեկավարներին, որի անդամները մարդկանց ծեծում են համանցանցում գրառումների համար. հայտնում է Readovka թելեգրամյան էջը։

Այսօր Մոսկվայի ոստիկանությունը բերման է ենթարկել Բայրամով Ռագիբ Նիզամ օղլուին՝ ВБОН-ի ուժային կառույցի ենթադրյալ ղեկավարին, և Աղաև Ռոման Մաթլաբ օղլուին: Երկուսն էլ մեղադրվում էին Ռուսաստանի Դաշնության Քրեական օրենսգրքի 213 (խուլիգանություն) հոդվածի երկրորդ մասով: Այդ մասին հայտնել է Անդրեյ Աֆանասևը՝ «Երկգլխանի արծիվ» ընկերության մոսկովյան մասնաճյուղի ղեկավարը:

Գործով զբաղվում է Մոսկվայի ՆԳՆ հետաքննության վարչությունը:

Ձերբակալվածներից մեկը՝ լրագրող Ռոման Աղաևը,  Խիմկիից «Արդար Ռուսաստան» կուսակցության պատգամավոր Ալիև Խանոգլան Սալե օղլուի օգնականն է: Իսկ Բայրամովը մինչև վերջերս Մոսկվայում ադրբեջանցիների ազգային-մշակութային ինքնավարության ակտիվ անդամ էր: