Ահազանգ՝ Լարսից. Վրաստանն արգելում է ՌԴ-ից ՀՀ բերվող շտապ օգնության ՈՒԱԶ-ների մուտքը

Քաղաքացի Ստեփան Հարությունյանը Վերին Լարսի անցակետից համապատասխան տեսանյութի հրապարակման միջոցով հայտնել է, որ Վրաստանն արգելում է Ռուսաստանի Դաշնությունից ՀՀ բերվող շտապ օգնության ՈՒԱԶ-ների մուտքը երկիր:

Այսինքն՝ Վրաստանը տարանցիկ ճանապարհ չի տրամադրել հիշյալ մեքենաներով բարձված բեռնատարների համար: Ս. Հարությունյանը ցուցադրել է ՈՒԱԶ-ներով բեռնված մի քանի խոշոր բեռնատարներ, որոնք, ըստ իր մեկնաբանության, Վրաստանի կողմից մուտքի արգելքների հանդիպելով՝ հետ են վերադառնում Ռուսաստան:

Ենթադրվում է, որ շտապ օգնության այդ ՈՒԱԶ-ները գնվել են Ռուսաստանի հայության կողմից և, որպես հումանիտար բեռ, ուղարկվում էին Հայաստան:

Ստորև ներկայացնում ենք վերոնշյալ տեսանյութը:

Տես նաև՝ Ինչ կարելի է Ադրբեջանին, չի կարելի Հայաստանի՞ն. Վրաստանի երկինքը փակ է միայն Հայաստանի համար