Խաղաղապահների մուտքը ղարաբաղյան հակամարտության տարածաշրջան ընդունելի է հայկական կողմի համար

Խաղաղապահների մուտքը ղարաբաղյան հակամարտության տարածաշրջան ընդունելի է հայկական կողմի համար, եւ դա կարող են լինել ռուս խաղաղապահները: Այս մասին հայտարարել է Հայաստանի վարչապետ Նիկոլ Փաշինյանը, հաղորդում է Interfax-ը:

«Մեզ համար ընդունելի է խաղաղապահների մուտքը։ Ես կարող եմ ասել, որ խաղաղապահների կազմի վերաբերյալ Ադրբեջանի պատկերացումները չեն համընկնում այդ հարցում Հայաստանի պատկերացումների հետ։ Եթե խոսենք փոխզիջումների մասին, այստեղ նույնպես փոխզիջումային տարբերակ կարող է դառնալ ռուս խաղաղապահների ներկայությունը։ ՌԴ-ն լավ հարաբերություններ ունի և՛ Ադրբեջանի, և՛ Հայաստանի հետ», - ասել է Փաշինյանը հարցազրույց տալով «Ինտերֆաքս»-ին: