ՌԴ գլխավոր դատախազը հորդորել է պաշտպանել Ղարաբաղը վարձկաններից և ահաբեկիչներից

Անհրաժեշտ է ճնշել վարձկանների և ահաբեկիչների՝ Ղարաբաղում հակամարտության տարածք մուտք գործելու փորձերը: Այդ մասին ԱՊՀ անդամ պետությունների գլխավոր դատախազների համակարգող խորհրդի նիստում հայտարարել է ՌԴ գլխավոր դատախազ Իգոր Կրասնովը:

«25 տարի շարունակ մենք համատեղ ստեղծել ենք Անկախ պետությունների համագործակցությունում քաղաքացիների իրավունքների պաշտպանությունն ապահովող մեխանիզմներ, և մենք չենք կարող և չպետք է թույլ տանք դրանց վերացումը ... Այժմ առաջնային խնդիրն է պաշտպանել մարդկանց և ապահովել նրանց արժանապատիվ, անվտանգ, խաղաղ կյանքի իրավունքը, ներառյալ` հակամարտության տարածք վարձկանների և ահաբեկիչների ներթափանցման ցանկացած փորձ ճնշելով»,- գլխավոր դատախազի խոսքերն է մեջբերում գերատեսչության մամուլի ծառայությունը: