Հայաստանում ու Արցախում ապրող հույները նույնպես մարտնչում են առաջնագծում` հայկական բանակի կողքին. Հայաստանում հունական համայնքի ղեկավար

Հայաստանում բնակվող հունական փոքրամասնությունը, որոնք հիմնականում Պոնտոսի ցեղասպանությունից մազապուրծ եղած հույների ժառանգներն են, արդեն հայկական բանակի հետ մարտնչում է առաջնագծում: Այս մասին հայտարարել է Հայաստանում հունական համայնքի ղեկավար Մարիա Լազարևան:

Greek Riviera News-ի հետ զրույցում Լազարևան նշել է, որ Արցախում նույնպես առկա է հունական փոքրաթիվ համայնք՝ կազմված 40 հոգուց, որոնց հետ մշտական կապի մեջ է:

«Հունական ծագմամբ մի քանի կամավոր և զինվոր գտնվում են Արցախում, կռվում են հանուն իրենց հայրենիքի, որտեղ նրանք ծնվել և մեծացել են»,- նշել է նա՝ հավելելով, որ «մարդիկ անհանգիստ են և տրամադրված են դրականորեն». «Մենք վստահում ենք մեր բանակին և մեր հունական ոգուն»:

«Սա պատերազմ է ոչ թե հանուն մի կտոր հողի, այլ պատերազմ` հանուն մեր սիրելի հայրենիքի, ազատության», - նշել է Լազարևան: