ԵՏՀ-ում Հայաստանի ներկայացուցչին համարում են կոռուպցիոն սխեմայի կազմակերպիչ

Եվրասիական տնտեսական հանձնաժողովի կոլեգիայի նախագահ Միխայիլ Մյասնիկովիչի կարգադրությամբ ստեղծվում է նոր կոմիտե, որն, ըստ էության, կրկնելու է այդ հանձնաժողովում Հայաստանի ներկայացուցիչ Գեղամ Վարդանյանի գործառույթները: Տեղեկությունը «Փաստինֆո»-ինն է, իսկ պատճառն, ըստ աղբյուրի, Եվրասիական տնտեսական հանձնաժողովում դժգոհությունն է Վարդանյանի աշխատանքից:

Գեղամ Վարդանյանը ԵՏՀ-ում իր գործառույթների իրականացմանը պաշտոնապես անցել է փետրվարի 2-ին, եւ արդեն փետրվարի 3-ից ռուսական ընկերությունները սկսել են սպառնալիքներ եւ ծանուցումներ ստանալ պայմանագրերի հնարավոր դադարեցման մասին, ինչը հնաձնաժողովում որակում են որպես կոռուպցիոն սխեմա:

Ավելի վաղ «Փաստինֆո»-ն հայտնել էր, որ Եվրասիական տնտեսական հանձնաժողովում Հայաստանի ներկայացուցչին կասկածում են չարաշահումների եւ վատնումների համար, ինչի առթիվ ներքին քննություն է սկսվել:

Գեղամ Վարդանյանը 2019 թվականի հունվարին նշանակվել էր Հայաստանի տրանսպորտի, կապի եւ տեղեկատվական տեխնոլոգիաների փոխնախարար: