Սփյուռքի մասին՝ հայրենիքից. վերաբացվում է «Հայերն այսօր» լրատվական հարթակը

«Հանրային կապերի և տեղեկատվության կենտրոն» ՊՈԱԿ-ի Սփյուռքի բաժինը վերագործարկում է «Հայերն այսօր» լրատվական հարթակը. այս մասին Yerkir.am-ին տեղեկացնում են ՀՀ վարչապետի աշխատակազմի «Հանրային կապերի և տեղեկատվության կենտրոն» ՊՈԱԿ-ի սփյուռքի բաժնից:

Իր երկարամյա գործունեության ընթացքում «Հայերն այսօրը» դարձել է համահայկական լրատվական հարթակ։ Եվ հիմա, հաշվի առնելով կուտակած մեծ փորձը, սփյուռքում ձեռք բերած մեծ ճանաչելիությունն ու վստահությունը, կարևորվում է սփյուռքահայերի հետ երկխոսությունը շարունակել նոր մոտեցմամբ։

«Հայերն այսօրը» տրամադրելու է ծավալուն, համապարփակ և օբյեկտիվ քառալեզու տեղեկատվություն հայաստանյան կարևոր իրադարձությունների, հայրենիքսփյուռք կապերի ու նախաձեռնությունների, հայրենադարձության և սփյուռքին առնչվող թեմաների վերաբերյալ։ Մենք ակտիվ ենք լինելու սոցցանցերում։

Մեզ կարող եք հետևել Ֆեյսբուքում և Ինստագրամում։

Մենք պատրաստ ենք համագործակցել Հայաստանի և Սփյուռքի լրատվամիջոցների հետ, իրականացնել համատեղ ծրագրեր։

Մանրամասները՝ տեսանյութում: