Ճապոնիայի վարչապետը հայտարարել է հրաժարականի մասին

Ճապոնիայի վարչապետ Սինձո Աբեն պաշտոնապես հայտարարել է իր հրաժարականի մասին. հաղորդում է Reuters-ը:

Նրա հեռանալու պատճառը առողջական խնդիրներն են. քաղաքական գործչին երկար ժամանակ տանջող հիվանդությունը սրվել է: Նա հայտարարել է, որ խորապես ներողություն է խնդրում իր պարտականությունները կատարելու անկարողության համար և ափսոսում է, որ չի հասել Ռուսաստանի հետ խաղաղ պայմանագրի կնքմանը:

Աբեի հավանական հետնորդը է համարվում երկրի կառավարության գլխավոր քարտուղար Յոսիհիդե Սուգուն:

Այն փաստը, որ կառավարության ղեկավարը պատրաստվում է հայտարարել իր հրաժարականի մասին, հայտնի է դարձել օգոստոսի 28-ին:

Քրոնիկ աղիքային հիվանդության սրացման, խոցային կոլիտի պատճառով նա 2007 թ.-ին արդեն լքել էր վարչապետի պաշտոնը՝ առաջին անգամ այդ պաշտոնը ստանձնելուց մեկ տարի անց: 2012-ին Աբեն կրկին հաղթեց ընտրություններում և այդ օրվանից գլխավորում է Ճապոնիայի կառավարությունը: Վարչապետի պաշտոնում նա անցկացրել է 2799 օր: