Թուրքիան հայտարարել է Սև ծովում հայտնաբերված գազի՝ Եվրոպա արտահանման մտադրության մասին

Թուրքիան կարող է գազ մատակարարել Եվրոպային Սև ծովում վերջերս հայտնաբերված հանքակուտակից. հայտարարել է Թուրքիայի արտգործնախարար Մևլյութ Չավուշօղլուն։

Ըստ նրա՝ դա Թուրքիայի պատմության ամենամեծ հանքակուտակն է, և բացի այդ, դրա մոտ կան գազի նման ռեսուրսների առկայության նշաններ:

«Թուրքիան ոչ միայն գազ է գնում, այլև տարանցիկ երկիր է: Այս հանքի հայտնաբերմամբ Թուրքիան դառնում է խոշորագույն էներգետիկ երկրների հետ հավասար երկիր: Մենք ինքներս այս գազը կօգտագործենք մեր կարիքները բավարարելու համար, և մենք կկարողանանք ավելցուկը մատակարարել Եվրոպային», - ասել է Չավուշօղլուն:

Օգոստոսի 21-ին Թուրքիայի նախագահ Ռեջեփ Թայիփ Էրդողանը պաշտոնապես հայտարարել էր մոտ 320 միլիարդ խորանարդ մետր ծավալով խոշոր գազի հանքավայրի հայտնաբերման մասին՝ Սև ծովի հատակին՝ թուրքական ափերի մոտ՝ 320 մլրդ խոր.մետր ծավալով:

Ըստ որոշ գնահատականների, հայտնաբերված գազի հանքավայրի ընդհանուր արժեքը կարող է հասնել 80 միլիարդ դոլարի: