Լեհաստանը ԵՄ-ին հորդորել է Բելառուսի համար Ռուսաստանի այլընտրանք դառնալ

Եվրամիության արձագանքը Բելառուսում տիրող իրավիճակին չպետք է սահմանափակվի պատժամիջոցներով և համատեղ հայտարարություններով. ասել է Լեհաստանի փոխարտգործնախարար Պավել Յաբլոնսկին:

Ըստ նրա՝ Բրյուսելը պետք է առաջարկի Մինսկին համագործակցություն, քանի որ սա «բելառուսներին արթնացնելու միակ միջոցն է և, հավանաբար, նաև Ալեքսանդր Լուկաշենկոյին՝ նստել սեղանի շուրջ և սկսել խոսել հասարակության հետ»:

«Որպեսզի և ընդդիմությունը, և նա տեսնեն, որ Բելառուսն այլընտրանք ունի Ռուսաստանի հետ համագործակցությանը», - ասել է լեհ նախարարը:

Անցյալ շաբաթվա վերջին Սլովակիայի արտաքին գործերի նախարար Իվան Կորչոկն հայտարարել էր, որ Եվրամիության երկրների արտաքին գործերի նախարարները միաձայն որոշել էին պատժամիջոցներ կիրառել Բելառուսի դեմ: Անհատական սահմանափակումները կազդի նրանց վրա, ովքեր պատասխանատու են «խաղաղ ցուցարարների դեմ բռնությունների և ընտրակեղծիքների համար»:

Վաղը ԵՄ երկրները կանցկացնեն արտակարգ գագաթնաժողով, որտեղ նախատեսում են քննարկել հանրապետությունում ստեղծված իրավիճակը:

Նշենք, նաև որ Յաբլոնսկին չի համաձայնել Բելառուսի նկատմամբ պատժամիջոցների կիրառմանը՝ նշելով, որ դա ավելի կմերձեցնի ՌԴ-ի հետ։