Ռուսաստանի ԱԳՆ-ն իր աջակցությունն է հայտնել Լուկաշենկոյին

Ռուսաստանի արտգործնախարարությունը գնահատական է տվել նախագահական ընտրություններից հետո Բելառուսում տեղի ունեցած բողոքի ցույցերը: Նախարարության պաշտոնական մեկնաբանությունն է մեջբերում ՏԱՍՍ-ը:

Մոսկվան ուշադիր հետևել է իրադարձությունների զարգացմանը նախընտրական ողջ քարոզարշավի ընթացքում, ասվում է զեկույցում: Մինսկին հաջողվել է կանխել իրավիճակի վտանգավոր էսկալացիան, չնայած «առանձին ուժերի կողմից լայնածավալ բողոքի ցույցեր կազմակերպելու փորձերին», - նշվում է նախարարությունում:

Ռուսաստանի արտգործնախարարությունն ակնկալում է, որ Բելառուսի ժողովրդի կողմից արված ընտրությունը կնպաստի երկու երկրների միջև բարեկամության ամրապնդմանը և հնարավորություն կտա շարունակել լուծել հանրապետության առջև ծառացած խնդիրները:

Միևնույն ժամանակ, Մոսկվան ափսոսանք է հայտնել ընտրությունները լուսաբանող Ռուսաստանից ժամանած լրագրողներին Բելառուսում կալանավորելու և դրան հաջորդած զանգվածային գործողությունների, ինչպես նաև հուլիսի վերջին ձերբակալված ավելի քան 33 ռուսաստանցիների կապակցությամբ: