ԱՄՆ-ը 10 միլիոն դոլար է առաջարկում ընտրություններին Ռուսաստանի միջամտության վերաբերյալ տեղեկության համար

Վաշինգտոնը մեղադրում է Ռուսաստանին գլոբալ մասշտաբով ապատեղեկատվական բարդ արշավ անցկացնելու մեջ: Այդ իսկ պատճառով պետքարտուղար Մայք Պոմպեոն առաջարկել է 10 միլիոն դոլար պարգևավճար՝ կանխելու համար ԱՄՆ-ի՝ նոյեմբեր ամսվա նախագահական ընտրություններում արտաքին միջամտությունը:

Գումարը կտրվի այն անձի և նրանց գտնվելու վայրի մասին տեղեկությունների համար, որոնք հանդես են գալիս օտար կառավարությունների կողմից Միացյալ Նահանգների դաշնային, նահանգային կամ տեղական ինքնակառավարման մարմինների ընտրություններին միջամտելու համար:

«Ավտորիտար կառավարությունները ձգտում են մանիպուլյացիայի ենթարկել բաց և ազատ տեղեկատվական միջավայրը», - նշել է Պետդեպարտամենտի Գլոբալ ներգրավվածության կենտրոնի (GEC) համակարգող Լեա Գաբրիելը:

«Ռուսաստանը կարևոր դեր է խաղում ապատեղեկատվության և քարոզչության շատ թեմաների ստեղծման և տարածման գործում», - լրագրողներին ասել է Գաբրիելը:

«Պեկինը նույնպես որդեգրել է այդ տեխնիկան Ռուսաստանից՝ օգտագործելով կայքեր՝ ապատեղեկատվություն և քարոզչություն տարածելու համար՝ ժողովրդավարական նորմերն ու ինստիտուտները խաթարելու համար», - ասաց նա: