Արցախի ձգողականության կետերը՝ Դավիթ Ղահրամանյանի լուսանկարներում

Արցախի ձգողականության կետերն անթիվ են և մեծ մասամբ անհայտ ու չբացահայտված:

Հենց այդ ձգողականության կետերի՝ Արցախի պատմական ու բնական հուշարձանների ներկայացմանն է նվիրված երիտասարդ լուսանկարիչ Դավիթ Ղահրամանյանի անհատական ցուցահանդեսը, որի բացումը կատարվեց «Վալլեքս Գարդեն» հյուրանոցային համալիրում: Ցուցահանդեսը կրում է «Ձգողականության կետեր» խորագիրը:

Արցախի դրախտային բնությունն ու պատմամշակութային հուշարձանների միայն մի փոքր մասն է Դավիթը հասցրել անմահացնել: «Ցանկացա այս լուսանկարների միջոցով մարդկանց ծանոթացնել Արցախի այն ձգող վայրերին, կետերին, որոնցով կարելի է անվերջ հիանալ:  Իմ նպատակը միայն գեղեցիկ լուսանկարներ ստանալը չէ, այլ ավելի շատ դրանք հանրությանը ներկայացնելը»,- ասել է Դավիթը:

Երիտասարդ դերասան, լուսանկարիչ Դավիթ Ղահրամանյանը նաև այսպիսի կետերի մեջ է տեսնում Արցախյան հողում ապրելու և արարելու ձգող ուժը:

Տ. Աղաջանյան