«ՆՈՎԱԹԵԼ» ընկերությունը մտադիր է ձեռք բերել «ՎԵՈՆ ԱՐՄԵՆԻԱ» ՓԲԸ-ն

«ՆՈՎԱԹԵԼ» ընկերությունը հայտնում է իր լրջագույն ցանկությունը ձեռք բերելու «ՎԵՈՆ ԱՐՄԵՆԻԱ» ՓԲԸ 100 տոկոս բաժնեմասը։

Իր կողմից իրականացված ուսումնասիրությունների արդյունքում «ՆՈՎԱԹԵԼ» ընկերությունը հանգել է այն եզրակացության,  որ Հայաստանի Հանրապետությունում  շատ կարևոր է զարգացնել հեռահաղորդակցության հետևյալ ուղղությունները՝ առանձնահատուկ ուշադրության արժանացնելով սահմանամերձ շրջանների և գյուղական համայնքների կապի որակի բարձրացմանը․

1. Շարժական կապի ծառայությություններ 
2. Հանրային ամրակցված հեռախոսակապի ծառայություններ
3. Ամրակցված լայնաշերտ հասանելիությամբ մանրածախ ինտերնետ ծառայություններ
4. Ամրակցված լայնաշերտ հասանելիությամբ մեծածախ ինտերնետ ծառայություններ
5. Հեռուստատեսության վերահեռարձակման ծառայություններ  
6. Զանգերի վերջնավորման ծառայություններ 

Ընկերությունը բարձր է գնահատում «ՎԵՈՆ ԱՐՄԵՆԻԱ» ընկերությունում ներկայումս աշխատող ինժեներատեխնիկական և սպասարկող անձնակազմի բարձր որակավորումը և հայտնում իր պատրաստակամուությունը բաժնետոմսերը ձեռք բերելու դեպքում իրականացնել ընկերության արդյունավետ կառավարում։ Գերակա կհամարվի բաժանորդների թվի աճը և կապի որակի բարելավումը ներդրումային ծրագրերի շրջնակներում։

Իր ներդրումային ծրագիրը «ՆՈՎԱԹԵԼ»-ը կներկայացնի առաջիկայում կայանալիք մամուլի ասուլիսի ընթացքում։

Ընկերության մասին․ «ՆՈՎԱԹԵԼ»-ի լիազոր ներկայացուցիչները աշխատանքի հսկայական փորձ ունեն հեռահաղորդակցության ոլորտում հեղինակավոր միջազգային ընկերությունների հետ, որոնք գործունեություն են ծավալում մի շարք երկրներում, համագործակցելու և ծրագրեր իրականացնելու ասպարեզում։

Հավելյալ տեղեկությունների համար կարող եք զանգահարել ընկերության ներկայացուցիչ Մինաս Երզնկյանին +37491 001253 հեռախոսահամարով կամ գրել [email protected] էլեկտրոնային փոստի հասցեին։