Թուրքիային ու Ադրբեջանին կարելի է ունենալ «մեկ ազգ, երկու պետություն», իսկ հայերին՝ ո՞չ. Վադիմ Գոմոզ

Ռուսական Վիքիպեդիայի խմբագիր Վադիմ Գոմոզն իր ֆեյսբուքյան էջում անհիմն է անվանել ադրբեջանցիների փաստարկը արցախցիների ինքնորոշման իրավունքի վերաբերյալ:

«Ադրբեջանական կողմի հայտնի փաստարկներից մեկը՝ այն է «Ղարաբաղի հայերը ինքնորոշման իրավունք չունեն, քանի որ նրանք արդեն ունեն Հայաստանը», կարելի էր քննարկել, եթե չլիներ մեկ բայց: Անձամբ Հեյդար Ալիևը (իսկ ո՞վ է Ադրբեջանում պատրաստ  ասել, որ կասկածում է ազգի հոր խոսքերին) հայտարարել, իսկ նրա իրավահաջորդ Իլհամ Ալիևը կրկնել է Թուրքիայի և Ադրբեջանի մասին բանաձևը. «Մեկ ազգ, երկու պետություն»: Բավականին տարօրինակ է ճանաչել ձեր ժողովրդի իրավունքները երկու երկիր ունենալու համար և անմիջապես մերժել հարևան ժողովրդի նույն իրավունքը», - գրում է Գոմոզը: