Ռուսաստանյան բանակը Կովկասում գումարտակային մարտավարական վարժանքներ է սկսել

ՌԴ ԶՈւ Հարավային ռազմական շրջանի ավելի քան 5 հազար զինծառայող սկսել է երկկողմանի գումարտակային մարտավարական զորավարժությունները Հյուսիսային Կովկասի և Անդրկովկասի` միաժամանակ հինգ տարածաշրջանում; Այդ մասին այսօր` հուլիսի 27-ին, հայտնել է Հարավային ռազմական շրջանի մամուլի ծառայությունը. տեղեկացնում է yerkir.am-ը` EADaily-ին հղումով:

«Կավկազ 2020» լայնածավալ զորավարժություններին նախապատրաստվելու շրջանակներում մանևրներ կիրականացվեն Դաղստանում, Հյուսիսային Օսիայում, Չեչնիայում, նաև Աբխազիայում ու Հարավային Օսիայում տեղակայված ռազմակայաններում:

Մանևրներին մասնակցում են մոտոհրաձգային, տանկային, հրետանու զորամիավորումներ, դեսանտային ռազմական խմբեր, շրջանի ՀՕՊ և ռազմաօդային ուժերի ինքնաթիռներ ու ուղղաթիռներ: Մարտական հրաձգության ժամանակ կկիրառվեն «Տորնադո», «Գրադ» համազարկային կրակի ռեակտիվ համակարգեր, «Մստա-Ս», «Գվոզդիկա», «Ակացիա» հրետանային ինքնագնաց սարքավորումներ: Հետախուզական կրակային համալիրների կազմում են` Տ-72Բ3, Տ-90  տանկեր և ԲՄՊ-3 հետևակի ռազմական մեքենաներ: