Թուրքիան Սև ծովում սկսում է հետազոտական հորատման աշխատանքները

Թուրքական «Ֆաթիհ» նավը սկսել է Սև ծովում ածխաջրածնային պաշարների, հանքավայրերի հետախուզական հորատումը. երկուշաբթի հայտարարել է Թուրքիայի էներգետիկայի և բնական պաշարների նախարար Ֆաթիհ Դյոնմեզը:

Ավելի վաղ «Ֆաթիհ»-ը հետախուզական և հորատման աշխատանքներ էր իրականացնում արևելյան Միջերկրական ծովում, ներառյալ Կիպրոսի ափերում:

«Մեր ժողովրդի աղոթքով և աջակցությամբ «Fatih» նավը սկսել է Սև ծովում առաջին հորատումը: Թուրքիայի էներգետիկ անվտանգության համար մենք մեր ծովերում ուսումնասիրելու ենք յուրաքանչյուր քառակուսի մետր: Եվ եթե ինչ-որ բան կա, մենք անպայման կգտնենք դա», - գրել է Դյոնմեզը Twitter-ի իր էջում:

Կիպրոսի Հանրապետության կառավարությունը հայտարարում է, որ Թուրքիան անընդհատ խախտում է Կիպրոսի ինքնիշխան իրավունքները: Մասնավորապես, Անկարան փորձնական աշխատանքներ է իրականացնում Կիպրոսի ծովային գոտում և սեյսմիկ հետազոտություններ է իրականացնում բացառիկ տնտեսական գոտում՝ Կիպրոսի ինքնիշխանության խախտմամբ: ԵՄ-ն բազմիցս դատապարտել է այդ գործողությունները: Թուրքիան ասում է, որ չի դադարեցնի Կիպրոսին պատկանող տարածքների հետախուզումը և հորատումը: