Բացահայտվել է ադրբեջանական հերթական կեղծիքը. թե ինչու է պետք հավատալ միայն հայկական պաշտոնական աղբյուրներին

Երեկ ադրբեջանական հայտնի haqqin.az կայքը և նրա հղումով մի շարք այլ ադրբեջանական կայքեր տեղեկություն էին տարածել, որ իրենց մոտ է հայտնվել Տավուշում մարտերի ընթացքում զոհված հայ զինվորի անձնական տվյալները՝ հրապարակելով դրանք։

Ինչպես և սպասելի էր, սա ադրբեջանական կողմի հերթական կեղծ տեղեկատվությունն էր՝ սեփական հանրությանը մոլորեցնելու և «ադրբեջանական բանակի հաջողությունների մասին գովերգելու» մոլուցքով։

Այսպես, ըստ կեղծ լուրերի, «զոհվել էր» հայ զինվոր Սլավիկ Կայծակովը. լրատվամիջոցը գրում էր, որ «ՀՀ կառավարությունն ու ՊՆ-ն ամենաամոթալի ձևով թաքցնում են իրենց կորուստը և հայ իրավապահների ուշադրությանն է ներկայացնում իբր զոհված զինծառայողի տվյալները»։

ՊՆ մամուլի խոսնակ Շուշան Ստեփանյանն իր հերթին տեղեկացրել է, որ հայ քաղաքացին տարկետում ունի, չի ծառայել և այժմ չի ծառայում։

Yerkir.am-ը հեշտությամբ բացահայտեց ադրբեջանական այս կեծիքը. մենք կապ հաստատեցինք անձամբ Սլավիկ Կայծակովի հետ, ով հավաստիացրեց լուրերի կեղծ լինելը։